張藝謀執導嘅新片《滿城盡帶黃金甲》除咗幾位主要演員好似周潤發、鞏俐同周杰倫備受注目之外，新一代謀女郎李曼亦成為焦點。今年17歲嘅李曼就讀中央戲劇學院，喺戲裏面飾演宮女蔣娥，係發仔嘅私生女。日前佢出席喺深圳舉行嘅校園招聘活動，佢話自己喺戲裏面同劉燁、周杰倫都有對手戲，仲話：「我沒敢問張藝謀導演為甚麼選擇我，可能是我適合劇中人物吧。」