蘇施黃當年在泰國發現患上乳癌，幸及時診治現已重拾健康。早前阿蘇到泰國為有線拍攝《活得很滋味》，除了四出搵食外，還重訪當年驗身的醫院，叮囑各人要年年驗身，真是用心良苦。
蘇施黃早前為有線節目《活得很滋味》遠赴泰國教觀眾煮泰國菜外，還捐窿捐罅介紹曼谷地道美食。當年阿蘇發現患有癌症都是因為在泰國的醫院做身體檢查而得知，今次她順道重訪舊地，到當年驗身的康民醫院（BumrungradInternational）介紹一番，未有陰影。
唔似住醫院
阿蘇語重心長地說：「呢間醫院好似一間五星級酒店咁，設備夠豪之餘，收費都非常超值，唔會令人有住醫院嘅感覺。嚿年就係同朋友一齊去驗身先知自己有cancer，所以話呢，大家真係要年年驗身，病向淺中醫。」
其實阿蘇本身是一個泰國通，每年最少都去幾次泰國，不過她仍找來一位懂廣東話的泰國導遊。阿蘇除了介紹連皇室成員都光顧的乳豬魚翅店外，還帶備了私人鑊教煮泰國菜，她俗稱此鑊為黑金剛。
自備黑金剛
阿蘇說：「呢隻鑊真係冇得彈，幾十蚊一隻，又輕身又唔黐底，都不知好過幾多乜嘢易潔鑊，通街都有得賣，話係黑金剛就得。」阿蘇除了煮食有一手外，原來做推銷員也不錯，黑金剛真的可以考慮找阿蘇做代言人。
撰文：胡比
