呢排天氣陰沉沉搞到無晒mood？唔使愁喎！一於有理無理趁假期衝落沙灘先講啦！我都以為今次影唔到陽光與海灘，殊不知個天好似顯靈咁，採訪期間突然撥開雲霧，真係驚叫咗一聲SunnyBeach！唔怪得前SOHO總廚都老遠嚟到深水灣開沙灘Cafe，日日對住個海炒餸，心情靚煮啲菜都有Heart啲，今日仲落雨？希望在明天嘛！
記者︰方綺君
攝影︰陳盛臣、林栢鈞
Model︰Carrie,Bianca&Steve@Salvador
SOHO總廚劈炮 望住大海煮餸
來到Cococabana，面對無敵大海景，樓下就是水清沙幼的深水灣，我仲以為去咗番邦！餐廳滲出來的悠閒和獨特風味，不是可以用外在因素可以堆砌出來，或者這點和餐廳總廚的背景有關。
總廚JeanPaul本為SOHOAssociation的第一任主席，是首位在SOHO區開餐廳的大廚，不過時移世易，𠵱家嘅SOHO區雖多了不少餐館，但雜亂無章亦加入了許多質素不理想的餐廳，JeanPaul覺得唔啱feel，索性改在此處開設餐館，一來呢度好似佢嘅出生地法國南部，二來日日對住大海煮嘢食反而仲開心，就是這樣，連帶餐廳的布置和格局都咁relax。
鮮蝦紅魚柳中東飯$190
輕盈菜式，煎至香口的鮮蝦紅魚柳，配上藏紅花汁和口感獨特的中東飯，是總廚最新的得意之作。
馬賽雜錦燴海鮮$190
法國名菜，材料有新西蘭鮮魚、澳洲大蝦和美國帶子，燴煮後海鮮保留了鮮味。
西班牙紅酒特飲（前）$38
古巴青檸薄荷特飲$65
西班牙紅酒特飲內的生果全部特別炮製過，酒味不會太重，容易入口；古巴青檸薄荷特飲主要以rum酒、青檸和薄荷混成，薄荷味冰凍，夏天最啱飲。
黑超客食評
圖中兩位女士都係叫Emma，異口同聲對馬賽雜錦燴海鮮讚不絕口。Rob（左1）和Nick（左2）就欣賞餐廳嘅環境，可以享受陽光，一陣仲會出海滑水，認真識歎！
Cococabana（28122226）
地址：深水灣香島道深水灣泳灘更衣室大樓2樓
營業時間︰12:00nn-3:00pm，6:00pm-11:00pm
粉藍海屋主打homemade
另一個沙灘勝地赤柱，其中以在赤柱大街上的TheBOATHOUSE外形最突出，三層高的建築以奪目的粉藍為主調，和海的感覺最相似。置身屋內，布滿帆船擺設的裝修，好夠情調。不得不提是餐廳的菜式甚至醬料都力sellhomemade，好似茄子醬、青水欖紫蘇醬、番茄乾醬等，風味雖原始，但其他地方試唔到！
美式漢堡包$108
home-made牛肉漢堡扒、車打芝士、煙肉，大大份好抵食，記得要趁熱，芝士半溶時最好食。
吞拿魚沙律$85
吞拿魚以特別醃料醃製後，煎至半生熟，口感外香內軟，配搭白豆、雞心豆、蘋果、菠蘿等夠晒開胃。
TheBOATHOUSE（28134467）
地址：赤柱大街88號
營業時間︰11:00am-12:00mn
浸完淡水游鹹水 月中有新Menu
若果你唔想搞到成身沙，又想舒舒服服曬日光浴，呢間Poolsidecafe最啱，面對遊艇會海景，立刻跳入水暢游亦得，因為一上水就有更衣室，比沙灘方便好多。三心兩意都係要到沙灘浸鹹水？到酒店大門口左轉行幾步就係黃金泳灘，啱晒懶人。為咗迎接夏天，餐廳將會於6月15日推出全新的Poolsidemenu，游完水再歎番餐，簡直係OnDiet靚女嘅一大挑釁！
凱撒沙律$78
以香草醃過夜的奧地利煙鴨胸（可配煙三文魚），大廚特別將鴨胸面層脂肪片去，食得健康。
池畔特色炸海鮮拼盤$58
其中的炸蝦圈仲係以手打的蝦膠製成，入口份外彈牙，配上大廚自製的他他汁，perfectmatch！
炒貴刁（配蝦及雞肉）$68
咪以為係一般炒貴刁，大廚特登用豬油渣炒，入口惹味，加上選用了泰國臘腸，唔覺意就清碟！
浪淘池畔吧（24528448）
地址：屯門黃金海岸酒店
營業時間︰10am-8pm