打工仔嘅金句之一：魚唔過塘唔會肥。不過，有時喺同一個塘內轉吓水域，可能都唔錯。中原大埔及新界東豪宅前老頂張焯賢，早排過檔同系嘅日進地產搞招標，佢個位即日起由青山公路阿頭黃澤文Adrian接任，而Adrian個位就由區內第二把交椅譚藩榮Joey頂上。
Adrian話今次走馬上任，離開扎根13年、撈到風生水起嘅地盤，面對新環境新挑戰，期望擦出新火花，爭取更高嘅市場佔有率……（下刪數百字）；至於升官嘅Joey就好有信心咁話，一定會破舊立新，將市場佔有率由舊年四成，提升到五成。
有人升職擔重任，有人離巢創新天──係繼續槽肥抑或被迫keep吓fit，外人就一定唔及當事人清楚嘞。