噚日個天成日灰濛濛，不停落雨，公民黨剛啱份《A45報》出版，要趕住派出街，就算落雨都要照派㗎啦。只見湯家驊、余若薇同吳靄儀幾位大狀冇停手，企喺中環街頭落力派報紙。
大家今次咁落手落腳，唔知係咪因為今期封面人物係佢哋嘅黨主席關信基，講嘅咁啱就係六四。吳靄儀同八方講，公民黨嘅六四立場好清晰，就係要平反六四，外間毋須太多猜測。
而梁家傑噚日派報嗰陣冇出現，夜晚就同湯大狀落沙田區就建築物管理條例向街坊解畫，公民黨自從喺台灣返嚟就日忙夜忙，日日見報，唔通喺台灣有高人指點？
傳真︰2623-9278
電郵︰[email protected]