錢嘉樂日前到龍鼓灘拍攝無綫節目,親自示範飛車飄移拿手好戲,並暢談駕車心得。當男主持要求嘉樂再次公開向女友李珊珊求婚,嘉樂竟嘲主持儍仔,還忽然拒提婚期。
錢嘉樂日前在龍鼓灘車場拍攝TVB8節目《星級育樂王》飛車飄移,當日他先行駕駛改裝跑車在場試車熱身,大玩甩尾飄移,同時更有另外六名車主,各自駕改裝跑車拍攝飄移伎倆的片段,其間嘉樂不時與車主大談車經及切磋飄移心得。
「𠵱家好享受」
節目中,嘉樂接受訪問時曾提到導演爾冬陞、曾志偉和洪金寶是他生命中三個重要男人,而兩個重要女人,則是錢媽媽和女友李珊珊。今年曾多次公開提親、揚言要娶老婆仔的嘉樂,忽然轉口風,縮沙拒提婚期。
當時嘉樂被主持王浩信要求在幾十秒時間內向珊珊求婚,但他不停耍太極,最後都沒有公開求婚,只說:「估唔到你仲信呢啲嘢,儍仔嚟嘅,唔興㗎啦,兩個人相處,我𠵱家都好enjoy,冇諗過幾時結婚,好穩定。」主持再問嘉樂會以甚麼車輛去形容珊珊,他依然做快閃黨避談:「盡在不言中啦。」
「對唔住媽咪」
不過,當嘉樂提到錢媽媽時,即時轉channel,變得感性又真摰,他難得認真地說:「我好對唔住媽咪,以前每次拍戲,我唔係燒傷、跌傷就係扭傷,到拍《烈火戰車》攞到金紫荊最佳男配角,媽咪係第一次真真正正嘅開心,係喺個心度笑出嚟,唔同我燒傷咗時,對住我扮若無其事、強顏歡笑,我唔使喺六樓跳落嚟,可以憑演技攞到獎。」
採訪、攝影:娛樂突發組