𠵱家係講求服務質素嘅年代，本報一向秉承呢個宗旨，除咗提供有用資訊畀讀者外，對查詢都會盡力解答。日前收到讀者查問，對禮拜三本報報道長沙灣宇晴軒3座1288呎G及H相連單位，兩年前賣價355.2萬，感到有啲疑惑，認為冇咁平。
蘭西經過一番查證，check埋土地註冊處，價錢確實冇錯，03年宇晴軒呢個相連單位真係賣呢個價，每呎2758蚊。
另外，禮拜一本報「樓市特攻隊」，其中將軍澳君傲灣5月成交個案表，有屋苑業主指1座低層C室蝕讓個案資料有錯。蘭西查證後，原來單位買入價係300.9萬至真，並唔係354.4萬元；蝕讓金額約30.9萬元，蝕幅約10.3%，多謝呢位讀者指正。