昨日個市陰死人，低開少少之後，恒指升67點，以為雨過天晴，撲落去買C輪嘅話，揀着啲高槓桿率落手，到咗下晝，可以蒸發1半。
恒指最低15605，同上禮拜四低位15628相差好少，有錢佬入市，低位回升40點，收15645。差唔多嘞，開始細細注揀C輪買。
恒指C輪4796：博大市反彈，恒指C輪4796諗得過。隻輪8月尾夠鐘，輪價15.7仙，溢價3.9%，槓桿率23.7倍（有效12.9倍），引伸波幅19.9%。
要有心理準備，隻輪隨時上落10-20%，皆因恒指郁吓上落二百點。條數咁計，恒指每變化100點，隻輪移動9%，而恒指郁動100點，可能只係一陣間嘅事。
國壽C輪4827：國壽（2628）收11.30元，跌0.30元。吼住國壽回到11元邊邊，買C輪4827博反彈。隻輪9月初夠鐘，輪價1.08元，溢價8.6%，槓桿率10.5倍（有效6倍），引伸波幅43.5%。隻輪溢價唔低，宜炒不宜坐盤坐得太耐，做嘢要手快腳快。
交行C輪4488：交行（3328）跌7.5仙，收4.775元，博中行（3398）拉番高交行，細細注博交行C輪4488。隻輪8月初到期，輪價42.5仙，溢價2.7%，槓桿率11.2倍（有效8.2倍），引伸波幅30.7%。
章盛