一眾《情陷夜中環2》演員昨日一同到屯門黃金海岸開沙灘派對，張文慈、麥家琪等女演員酥胸半露晒身材，在場演員又不時暗寸葉璇刀仔拮大髀一事，張文慈說：「呢個party就係有人搞出嚟，係佢冇到，嗰個自插下體嗰個！」
葉璇早前曾提議《情陷夜中環2》的收視達雙位數字時，就到沙灘大搞派對，又說會穿上三點式泳衣慶功，不過昨日亞視《情2》在屯門黃金海岸舉行沙灘派對時，葉璇因傷缺席，但現場氣氛反而更加熱鬧，因為以往記者會都是葉璇做焦點，如今幾個女仔平分秋色，大家當然開心愉快。至於梁敏儀、李思蓓更是徇眾要求着上三點式為派對升溫，她們都異口同聲說：「真係好開心，今日個個女仔都好靚，身材又正，氣氛仲好好。」
未有機會慰問
女主角之一的張文慈在記者會上，義正嚴詞直指葉璇缺席派對宣傳，她說：「呢個party就係有人搞出嚟，係佢冇到，嗰個自插下體嗰個（指葉璇）！」此語一出，全場捧腹爆笑，在她身旁的陳寶轅、麥家琪連忙提示張文慈說：「係大髀。」張文慈知道自己講錯了，連忙解釋說：「你哋唔好心邪，大髀係下體一部份，我意思係話佢唔嚟好可惜。」被問到會不會問候葉璇時，張文慈說：「嗰日我喺廠，不過唔知呢件事，佢都唔會同我講，到𠵱家都未有機會慰問佢，見到面先啦！」
突出怕被杯葛
此外，麥家琪說：「平時我好孤寒，我都唔想次次着咁靚，我本來想着三點式，不過我問過其他女仔冇人話着，咁我又唔想咁突出，突出又話杯葛。」對葉璇被利刀插傷左邊大髀，麥家琪說：「我知，嗰日我喺廠，不過，冇見到佢，我淨係知道佢好快咁跑入醫院。」
葉璇自稱大髀傷口有五吋長逢了六針，麥家琪扮成一個說廣東話不正的人說：「你哋誤會啦！佢係講個傷口唔算長，唔係五吋長啊！」
採訪：楊潔雯 攝影：陳順禎
