民建聯前主席曾鈺成噚日走咗去將軍澳出席一個青年論壇，咁曾校長教慣書，見到啲年輕人唔發聲，當然要曉以大義啦。
講完年輕人，八方問佢點睇特首選舉，以及行會召集人梁振英嘅高見，叫人唔好為過癮而推一啲唔夠班嘅人出嚟參選。點知曾前主席答得好直，佢話，民主派如果真係達成共識推一個人出嚟參選，又攞到100票，呢個人肯定喺社會上有名望，唔會唔夠班。主席即係主席，講嘢都一針見血。
所以話呢，如果馬力身體真係唔多掂，民建聯應該已經有兩手準備，分分鐘搵番曾校長上馬，做番主席；至於立法會個位，就捱得幾耐得幾耐。係人都知，港島區要補選嘅話，單議席單票，泛民贏梗，民建聯點都唔想喺立法會少一席啦，一定死頂。
傳真︰2623-9278
電郵︰[email protected]