陳奕迅（Eason）昨日接受港台訪問，暢談寶貝女康緹。問他會否介意囡囡再曝光？他說：「其實唔係太好，𠵱家已經諗緊幫佢報邊間學校，因為怕會影響其他學生同家長。」會否送囡囡出國讀書？他就笑說：「不如去孟加拉、牙買加，或者去南美都好呀，等佢放假返嚟就話：『老竇，有巴西咖啡送畀你！』」
晚晚曳曳
Eason經常被批評性格火爆，雖然有人提議他效法譚詠麟笑對新聞的態度，但Eason說：「我唔係譚校長，不過可以參考，可能咁樣大家會開心啲。」談到早前與張學友合唱《天下太平》，Eason謂希望再合作，大唱以兩位百厭爸爸晚晚出街曳曳為題材的歌曲，不過所謂晚晚出街只是指藉着打網球尋找私人空間而已。
採訪、攝影：馬建華