林嘉欣早前一洗甜姐兒形象，穿上有型Gucci新裝為雜誌拍照，訪問中嘉欣再次確定指演戲在其生命中佔最重要位置，更高呼沒機會唱歌不會死，但沒戲給她演則肯定會死。
林嘉欣早前為《WFD國際服裝動態》雜誌拍照，穿上Gucci春夏新裝及佩戴浪琴錶，與平日的甜姐兒形象比較，大有新鮮感。嘉欣在訪問中表示很滿意這一身摩登型格的打扮，其中最喜愛黑色開胸上衣配三個骨褲的造型。
增加生活體會
嘉欣說：「這身服裝配合髮型同化妝，好match，性感又有型，對我自己嚟講感覺好fresh，以前每當要着性感衫時，我都會有啲唔自然，但最近瘦身成功，信心都不其然大咗。」
訪問中嘉欣強調演戲在生命中排行極重要位置，她說：「雖然當初我係以歌星身份加入娛樂圈，但嗰時只係偶爾興起，冇歌唱我唔會死，但如果唔能夠繼續演戲，我肯定會死。
「演戲畀我得到好多生活體會，例如喺《阿嫂》演黑社會阿嫂，喺現實生活中呢樣嘢唔會發生喺我身上嘅事，演戲令我眼界擴闊，唔會好似以前咁主觀。」
慚愧不諳中文
當初由加拿大返台灣發展的嘉欣，由一句中文都不會講不會寫，到今天終可讀劇本，當中下了一番苦工，她說：「我第一次返台灣，人哋同我講嘢，我要透過繙譯幫忙，好似個啞巴咁，人好迷惘，又識唔到朋友，嗰次係我第一次有所謂身份危機嘅感覺，好羞愧，所以誓要學好中文。」
撰文：MichelleLeung