真假球衣何者更易被燒着？本報買下真假英格蘭球衣各一件，再用同一部打火機，粗略試驗哪種更易着火，結果翻版的燒了約1分30秒才着起火苗，正版的卻一點即着，看來正版翻版同樣危樣，不過正版的洗水嘜上，就印有「請勿接近火種」警告字句。
翻版球衣價錢平，質料以假亂真，自然生意火紅，愈賣愈多，但翻版球衣質料沒保證，着上身輕則渾身痕癢，重則生出點點紅疹。
「令到個身好痕」
「我自己就未試過將翻版着上身，但係都聽過唔少呢啲問題，主要係令到個身好痕，影響皮膚囉。」旺角西洋菜街SFALO球衣店的Bill說。信和中心「球迷世界」負責人Kenny就解釋痕癢原因，「翻版只係學到個樣，學唔到技術，當中最重要就係透氣功能，翻版往往只係普通透氣孔就算，忽略波衫嘅質地。」結果透不了氣，搞到「焗汗」，嚴重者更會生出紅疹，「好多喺大陸，或者女人街買過翻版波衫嘅人，都投訴過呢個問題。」
至於在通菜街擺檔賣翻版球衣的M小姐，就認為問題不大，「好老實講，我唔係製造商，唔清楚質料有咩問題，不過如果真係有問題，應該好多人投訴，好多報道㗎，但係我就冇乜點聽過」。
本報記者