《蘋果》噚日報道，公民黨申請加入民陣有少少暗湧，因為好多團體都唔理解公民黨六四立場，又唔知佢哋有乜嘢基層政策，驚大家格格不入。
身為公民黨副主席嘅張超雄就話，佢哋成立冇耐，大家對幾位大狀有懷疑都唔出奇，所以需要多啲溝通囉。既然佢自己同民陣嘅團體比較熟絡，張超雄一於化身親善大使，計劃主動向各大團體斟斟。張超雄話，其實幾位大狀都好肯放低身段，好肯拋頭露面，同民陣方向一致㗎。
不過，主動出擊之前，張超雄都趁端午節呢日難得假期唞一唞，當係家庭日。原來佢哋家人一路都唔興睇龍舟，因為實在太多人，太唔方便，寧願舒舒服服喺屋企仲好喎。
講開民陣，上年12．4大遊行嘅普選火鳳凰標誌好受歡迎，今年7．1就嚟喇，民陣特別推出兩款夏日版火鳳凰T恤，有粉紅同粉藍兩隻色任揀。件T恤只不過賣30大元，有興趣者可以打去23854491民陣訂購，或者喺6．4燭光集會購買。
傳真︰2623-9278
電郵︰[email protected]