廖碧兒昨日一身低胸短裙到銅鑼灣鬧市，為代言的纖體產品宣傳，穿上短裙的她雖已穿打底褲，但上落樓梯時仍步步為營，現場吸引了不少男士圍觀，更有不少男士帶備相機拍照。
唔敢同父母曬
已經擔任該品牌代言人三年的廖碧兒坦言獲廣告商愛戴，她笑說：「佢哋遲啲會推出湯同餅乾，都會搵埋我拍廣告，所以酬勞都加唔少。」
現時身形甚弗的廖碧兒表示不介意穿三點式拍廣告，問她可有膽量裸體曬太陽？她笑說：「其實喺加拿大讀書嗰時，都去見識過天體浴，但當時太細個好驚，所以唔敢試。其實如果自己再弗啲，都唔介意試吓，但一定要冇記者先得，而且一定要同女仔朋友去，如果同爹哋媽咪去就會尷尬啦！」
不過，當問到廖碧兒會否相約緋聞男友陳豪齊齊曬天體浴時，她尷尬地說：「吓，唔好講呢啲，梗係同女仔一齊去啦，呢啲唔預佢，益女仔朋友好啲，起碼唔會咁緊張。」
採訪：駱華齡
攝影：陳俊強
