劉德華前晚以保育大使身份到海洋公園，與海獅及海豚表演，雖然他帶領海獅出場與嘉賓打招呼時曾失手，但及後的表演也順利完成，結果整晚籌得300萬善款。
劉德華前晚到海洋公園出席《首屆香港海洋公園保育基金慈善晚宴》揭幕禮，是夜共籌得300多萬善款，華仔擔任保育大使13年，對海洋生物特別有感情，他前晚先帶着海獅一同出場敬禮，指揮海獅唱歌及揮手拜拜，然後又與海豚玩耍，先指揮一群海豚叫嚷，海豚上岸後，華仔又帶領牠們向嘉賓SAYHI，雖然第一次失敗後，到第二次即成功。
華仔後來還要海豚唱歌、轉圈、游水、飛躍上水面及凌空跳過他雙手，如是者兩次後，海豚們又向嘉賓點頭拜拜，十分可愛。
與殺人鯨過生日
華仔前日下午便到海洋公園與海豚們練習，到晚上才成功，他事後接受訪問，表示92年拍《戰神傳說》時，因與殺人鯨海威有對手戲而發生感情，當時每年九月生日都會到海洋公園陪海威暢泳，直至海威離世才停止。
華仔說：「海威陪我過咗三年生日，之後佢就走咗。嗰陣我會幫佢洗吓個池，潛落水底執垃圾以免佢食咗，又幫佢沖涼咁，佢只認到人下半身，所以有一輪我換左戲服，佢就唔認得我，要熱身好耐先認得返。」
「頭先都撻Q啦」
華仔續說：「我知道保育好緊要，每年生日我都想起佢。但𠵱家海洋公園已經唔畀我玩，我就好少嚟，因為啲海豚冇乜訓練，頭先都撻Q啦！晏晝時佢哋仲驚，因為現場有好多人，佢哋唔知聽邊個指揮好。」
當記者提到王菲生女，問華仔有否恭賀對方時，他說：「我哋好少聯絡，生BB係開心事，幾好呀。」
採訪：胡比
攝影：陳俊強
