李克勤與容祖兒前日傍晚在灣仔為港台的「加深家心行動」錄主題曲，二人未錄音前一唱一和，互笠高帽。這次是他們第二次合唱，克勤謂祖兒給他感覺親切，他說：「阿倫（譚詠麟）似我家人，祖兒呢份人就好爽，我哋唔使日日見住，又唔使好似照顧周敏慧咁takecare法，佢嘅儍大姐形象𠱁到大家好開心。」
澄清未結婚
祖兒則表示二人不似兩兄妹，反而像兩母子，她說：「我成日講錯嘢，怕得罪人，但對住克勤就唔擔心，乜都可以講。」克勤安慰她說：「我係佢咁嘅年紀，都得罪大把人。」車淑梅即場送上一對椰子給克勤，並說：「你八月用得啦！」克勤說：「唔係，我要澄清，唔知點解個個月都有人話我知我要結婚，我結時會通知大家。」
採訪、攝影：李珮洳