由彼思動畫和迪士尼合製的電影《反斗車王》（Cars）將在暑假推出，找來軟硬天師林海峰（Jan）和葛民輝這對搞鬼拍檔加林嘉欣做配音，阿Jan聲演招積跑車仔「閃電王麥坤」，阿葛則聲演戇直拖車佬「哨牙嘜」，林嘉欣聲演律師保時捷。
緊張至失眠
戲中麥坤和哨牙嘜老友鬼鬼，最適合Jan和阿葛這對「不和的好友」聲演，兩人配音時連環爆肚，可說是高手過招，阿Jan說：「阿葛配音嘅成就，大家有目共睹，我惟有同剪接師friend啲，叫佢盡量剪走阿葛嘅對白。」阿葛則說：「今次係我錄音先，其實要阿Jan執我手尾，係佢就我。」
林嘉欣聲稱要和兩大高手合作，緊張得幾晚睡不着，她說：「我以為做保時捷成日要扮好勁嘅車聲，但其實個角色好人性化，有好多表情同情緒，要靠把聲帶出角色嘅生命，比平時演戲更出力。」
撰文：林妃