啱啱去完台灣嘅公民黨黨魁余若薇Audrey噚日同八方大讚小馬哥好人，雖然佢好忙好忙好忙，但都專登主動抽出一分鐘同佢哋合照。余大狀話，本來都費事阻住佢做嘢，諗住唔影㗎喇，點知小馬哥堅持，咁自己梗係好感動啦。可能吳靄儀Margaret之前去台灣訪問過小馬哥，所以小馬哥都好尊重公民黨，總之小馬哥係一等一大好人啦。
問余大狀有冇周圍逛逛？佢話要趕住返嚟香港開會，點會有時間吖。去到竟然冇得玩？八方都戥余大狀可憐。
問余大狀參選特首有冇乜嘢新進展，皆因周街都話陳四萬唔去馬。Audrey都係嗰句，都係嗰啲嘢啦，冇新進展喎，公民黨不嬲都冇傾開喎。咁睇嚟，大家都要靜觀其變至得喇。
傳真︰2623-9278
電郵︰[email protected]