【本報訊】「巴士阿叔」陳乙東身份曝光，大批傳媒蜂擁來到他元朗白沙村松柏花園寓所外守候採訪，鄰居直言對這位平日聲大大的「非常住客」印象深刻，有街坊表示：「佢凡事都唔滿意，係人都怕咗佢。」又有居民指他一向牢騷多多，事事不滿，不過說話內容似是而非，最「經典」一次是去年他報名參選特首，其後曾蔭權上台，他又自言「我係董建華助選團，好忙㗎」，內容天馬行空，令人啼笑皆非。 記者：羅日昇 姜偉康 陸羽平 吳淑義
陳乙東所住的白沙村松柏花園，距離元朗市中心約20分鐘車程，松柏花園由多幢三層高獨立屋組成，巴士阿叔就是居於其中一個二樓單位。陳乙東的客廳滿布雜物和灰塵，一片凌亂，音響、廢置電腦以至字母膠墊等隨便棄於地上。屋旁有座五呎高的神枱，五隻小貓咪則隨處跑，家中傳出陣陣貓尿味。
街坊都說陳家平日都是緊閉門窗，非常神秘，該村女住客易小姐看過網上罵人片段，一口咬定陳乙東正是巴士阿叔：「我認得佢，啲村民成日同佢一齊搭小巴，佢最鍾意大聲講電話嘈住人，大家見佢大大隻又好似好暴躁，所以唔敢惹佢，睇過片段啲村民都知道係佢啦。」
自稱董建華助選團
易小姐又說陳乙東喜歡投訴，她憶述去年與陳同乘小巴，他下車後見到一輛凍肉車卸貨，認為車上的雪櫃不夠冷，即時假扮買家向車主索取資料，隨即致電食物環境衞生署投訴，可是別人相約他商議時，陳又稱：「我係董建華助選團，好忙㗎，邊有咁得閒呀？」惟當時董建華已下台，其談話內容似是而非，令人不知真假。
另一名鄰居成小姐則指陳乙東常向人家挑釁，狂罵發洩後便又打圓場，故稱他作「儍俠」。成小姐補充：「佢好似『丁蟹』（電視劇《大時代》中由鄭少秋主演的角色）咁大聲，但講啲道理其實似是而非，成日搞到差人上門調查。」令鄰居感到十分煩厭。
鄰居甘小姐稱阿叔為「投訴陳」，指他行為古怪但熱心為村民服務，早前陳發動村民簽名支持他參選沙田區議員，但遭各人拒絕。
「對住條街係咁罵」
記者明查暗訪，又得悉他平日常常到元朗市中心同樂街一帶流連，同樂街一帶商舖都對他印象深刻，笑言「佢對住條街係咁罵，冇對象都唔收口，係咁照鬧一餐！」
曾經接載陳乙東往返元朗的小巴司機盧先生亦稱小巴行家最怕陳乙東，因為「佢成日話要選特首，凡事都唔滿意，係人都怕咗佢。」另一小巴司機余先生亦表示屢遭陳乙東滋擾：「阿叔最鍾意坐司機後面，貪有人聽佢講嘢，一上車就擘大喉嚨猛講，行家惟有開快啲送佢走。」綜合街坊、鄰居意見，講嘢大大聲的阿叔深入人心，正如他在網上片段中的火爆形象。
