官恩娜、Krusty和鄧穎芝等昨日在沙田城門河出席丙戌龍舟競渡，陳芷菁被臨時拉伕擔任「龍頭」打鼓，帶領無綫一眾藝員作賽，結果奪得第四名，但芷菁上岸後立即腳抽筋。
官恩娜、Krusty、陳芷菁和鄧穎芝等，在沙田城門河出席「丙戌年龍舟競渡——無綫盃中龍混合邀請賽」。陳芷菁代替陳志雲負責打鼓，帶領蔡子健、李綺雯、彭冠期和范振鋒等參加龍舟比賽，最後在八隊參賽隊伍中，他們奪得第四名，眾人開心不已，彭冠期、王俊棠和蔡子健更開心到跳海。
最怕鬥消防員
昨日擔任「龍頭」的陳芷菁，完賽後竟腳抽筋，要向蔡子健借拖鞋，芷菁接受訪問時說：「我之前嗰晚十點幾先知，本來係陳志雲做打鼓，但佢怕今日要兼顧太多嘢，所以轉咗我打。冇練習過，我哋只不過係雜牌軍，見到參加嘅消防員好大隻，好彩唔係同佢哋比賽。」
擔任啦啦隊的官恩娜透露日前到日本拍攝食品特輯時，經常用手機致電返港，相信電話費過萬元。記者追問是否致電給男友吳卓羲？她否認說：「我冇男朋友呀！唔好講感情，費事亂講。其實我只係傾公事，而且媽咪喺五月生日，咪打電話同佢傾偈。」
遭惡男推落湖
逗留在九州的日子，官恩娜遇到友善的公公婆婆買零食給她，但從未遇過後生仔向她獻殷勤。
Krusty則自爆小時候的端午節有難忘經歷，成員活己嵐說：「嗰時有男仔蝦我，話湖入面有好多糭，我又白癡信佢，點知就俾佢推落湖。」另一成員張詠恩則說：「以前啲古仔話要拋啲糭落海，等啲魚唔好食屈原，我又走去信，偷偷哋將屋企嘅糭拋晒落河，我知一半唔知一半咪試吓囉！」
採訪：王連連 攝影：陳順禎
