喺旺角長大嘅鄧健泓（Patrick），雖然近年已經好少出嚟蒲，但一樣俾呢位地頭蟲發現一間高質日式料理新店，除咗抵食，仲可以一次過試勻日本三地嘅傳統美食，唔夠喉？無牛不歡嘅Patrick帶咗小記去附近一間佢經常幫襯嘅酒吧，碟鬼殼蝦更係佢嘅至愛。
記者：曾靜茵
攝影：陳陶鈞
東京涉谷系
東京涉谷生活節奏急速，但對食物亦非常講究，由前菜、主菜、吸物（醬料）、飯及甜品等缺一不可，故現時流行新派的定食套餐，以價廉及速食為主。
即叫即燒 自創醬汁
Patrick以往都愛蒲旺角找尋新玩具，所以食嘢都要揀番啲至新至潮嘅先啱心意，而這家以炭火燒為主題的日本料理店，當中以傳統嘅日式炭燒技術，配合至合時的燒物即叫即燒，還有自家創作的10多款醬汁，如中華麻辣、辛口番茄、紅梅味噌、芝麻味噌、士多啤梨酸汁及香橙生薑汁等，味道創新，係最近發現到嘅另類日本新風味。
1次過食勻3地菜
無牛不歡嘅Patrick，對於店中的炭燒牛和定食及炭燒牛舌讚口不絕，而且可以一店食勻伊勢志摩系、東京涉谷系及大阪等傳統嘢食，唔使周圍搵啦！
炭燒牛和風定食$48
靈感源自涉谷的新派定食，由前菜到主菜以至甜品都絕不馬虎，有齊山芋、沙律、松茸菌湯、炭燒牛肉及珍珠飯，份量足而且好抵食。
伊勢志摩系
伊勢志摩最出名就係炭火燒，亦有傳炭火燒海鮮的技巧就源於此，尤其以鬼殼燒、陶阪燒最為出名。
鬼殼燒虎蝦$78
鬼殼燒特別適用於軟殼類食物，特別之處是先將蝦殼輕𠝹後，再原隻連殼燒，能有效鎖緊肉汁，保留海鮮原始的鮮味，唔怪得Patrick咁Buy。
大阪味噌系
大阪現時流行以味噌調味料醃製食物，再塗上醬汁用炭火來燒，將創新的方法融入傳統中，是現今大阪人必食的小食。
一口炭燒味噌豚花肉$30
將肥美的豚花肉以味噌醃製，並以炭火燒再塗上醬汁，味道特別香濃，入口嫩滑無比，充滿大阪風味。
串燒大葱鴨胸$10（前）、串燒墨魚嘴$10（後）
以炭火燒鴨胸及墨魚嘴，原汁原味，味道濃郁，再配以帶有清新果味的士多啤梨酸汁及香橙生薑汁，入口清、濃有序。
炭火燒日式燒烤（36783368）
地址：旺角通菜街1A、1L時尚廣場1樓（銀城廣城後面）
罕有汁多 軟腍牛肋骨
曾於加拿大讀書嘅Patrick，閒時就最愛自家炮製牛扒，對於牛扒及牛肉的質素亦非常講究，他試過歌德的牛肋骨後便一試難忘，咬落多汁又軟腍，在香港其他扒房亦很少食到。另外還推介黑豚肉西冷，厚厚的黑豚肉，切開後鮮嫩無比。
另外，Patrick亦愛這裏的環境，除了牆上掛滿美式海報外，店內還設有紅色的梳化座椅，與一大班朋友食飯亦非常舒適。另外還設有Bar枱，食飯之前來個HappyHour就至啱。
美國BBQ燒牛肋骨$145
入口軟腍多汁的牛肋骨，特別選用重2磅的牛肋骨，並以紅酒醃製2日後，再經烤焗煙燒才炮製而成，味道惹味香濃，一眾牛癡有福喇！
墨西哥雲吞層層叠$36
以墨西哥的粟米片包着芝士及肉碎，炸香後味道香脆可口，加上一層叠一層，幾個朋友一齊分最啱。
厚切黑豚肉西冷$108
嚴選重8安士的美國黑豚肉，以谷飼的方法飼養，肉質特別鮮嫩，再經火燒後將兩面的肉汁鎖住，入口外脆內腍，肉味香濃。
歌德（美式）餐廳酒吧（36783368）
地址：旺角通菜街1A皇雀會1樓
