林基車之罵戰[email protected]
上星期六，我曾在此以「我為巴士迷感到羞恥」作題目，跟大家討論一下巴士迷的心態；但怎也料不到，這個題目竟在某網上討論區中，惹來一些迴響。在這些回應中，認同或不認同我在文中的觀點的大有人在。
首先，大家對我那篇文章的意見是怎樣，不論善意抑或惡意我也會接受，但可惜事實擺在眼前，在該討論區的另一文章中，有會員張貼了一部屬於九巴的新巴士，出現在美孚巴士總站時的照片，最初我跟編輯以為這只是一輯普通不過的巴士相片，但最後一張卻見到有3位巴士迷，肆無忌憚站在巴士總站的行車通道影着那部巴士，當中仲有人落埋腳架㖭！拍攝巴士照片不是大問題，但拍攝者所站的位置，為何要站在馬路中心呢？難道所拍攝得來的相片會靚啲？大家要記住，那3位仁兄所處的位置是行車通道不是行人通道，站在這裏拍照不但會阻礙巴士出入，亦會令自己有可能發生意外，這樣做值得嗎？還有是在拍攝途中有途人或其他車輛途經而阻礙的話，有需要用粗言穢語去痛罵那人或那車嗎？我相信絕對無需要，但可惜我也曾經被這些人痛罵一頓，當時我亦只是跟朋友路過而已，可想而知某些巴士迷對人的態度，真的比以前差劣！
記者：鄭達基
巴士迷站在路中影相的網址
http://www.hkitalk.net/HKiTalk2/viewthread.php?tid=99623&extra=page%3D2&page=1
如果大家（尤其是巴士迷）想對這篇文章作出回應，不妨SentE-Mail給我們，大家一齊來討論啦！
讀者來罵：Dennis，你落Brake唔好咁重呢！
你個咁嘅Dennis，成日就喺度話我揸快車，揸車態度又有問題，乜你又好我好多咩？每次坐親你車都係開到好快，仲成日見的士就閘，阿卓真係無話錯你，你真係一個「的士判官」！
另外，走彎路嗰陣大家嘅速度差唔多，經常LateBrake，不過你啲LateBrake又重又「Chok」（編者按：唔好扯貓尾互讚），放極力子嘅時間又唔Fit，呢兩個問題唔單止可以令你一個彎唔見1秒鐘，仲有就係我換咗第二部Domingo之後，部車套胎完全唔掂，速度同出咗事嗰部相差好遠，根本無可能快得起，所以大家都靠套輪胎加少少技術，係唔係？所以你係唔應該挑釁我！咁今次點解決先？聽晚10:00石澳停車場見。
讀者：David