2R昨天推出唱片，早前在拍攝唱片封套及照片時，二人真空上陣賣弄天賦本錢，問2R是否以性感造型硬撼樂壇其他孖妹組合，她們稱只是要帶出唱片中愛的感覺。
姊妹組合2R今次的新歌加精選唱片轉走性感路線，二人除了穿上內衣拍照外，還穿上很多低胸露背裝，並且又攬又有很多撫摸動作，姊姊Rosanne和妹妹Race更是真空上陣，Rosanne說：「我哋首次唔戴bra影相，我哋有用乳貼，但影樓太凍，用咗都凸點，所以公司幫我哋執番。」
利用身體語言
身材出眾的2R否認因為樂壇最近多了孖妹出動而以性感路線力撼，Race說：「我哋唔係賣性感，歌曲係講愛，所以我哋憑身體嘅接觸來帶動立體感覺。」Rosanne又說：「其實都唔算性感，因為喺屋企都係着呢啲，為咗舒服係唔會戴bra，而且香港係我哋第二個家，想帶出家嘅感覺。」Race更表示狗仔隊不用在她們家外偷拍，她說：「呢啲相同喺屋企已經差唔多一樣。」
拍攝照片時，由於現場有其他工作人員，所以Rosanne指要小心以免走光，她說：「真係好唔自然㗎，又要顧上又要顧下。」問2R可怕走光相片會流出市面，Race說：「唔驚，我諗公司會幫我哋keep好。」
改口讚公司好
同屬環球唱片的譚詠麟早前表示覺得唱片公司宣傳不力，2R也曾出言附和，不過昨天2R一改口風讚公司安排得好好，Race說：「我哋𠵱家出碟，下個月會搞簽名會，七月又會有自己嘅音樂會。今次唱片收錄咗好多MV，唱片公司仲要搵卡拉OK店買番個版權，所以都好落本，用咗好多資源㗎。」
採訪、攝影：王連連
