今年7.1係回歸九周年，照道理，政府只會細搞，事關根據國情，中國人最興逢五、逢十先至大事鋪張，其他就唔多理。所以唔少左佬都話，今年回歸慶典都應該冇料到，即係胡溫唔會嚟香港、亦都冇中央送大禮呢類挺港行動。
不過，出年就係特區回歸十周年，兼且煲呔99.9%成功連任，中央領導人梗係會嚟特區挺吓曾、挺吓港咁啦。八方收到消息，到時國家主席胡錦濤嚟埋都唔出奇㗎。八方唔係亂吹，事關政府都好明顯做足準備，肥龍愛將黎高穎怡今年七月走人之前，就被委以重任，領導一個回歸十周年慶典前期籌備工作小組。如果政府唔係好緊張下年嘅7.1慶典，又點會「人盡其用」，要靚太搞埋呢單嘢先放佢走呢？
爆料熱線：29290000、27860099
報料傳真：26239278
報料電郵：[email protected]