三年前，張慧儀同拉丁舞王霍紹裘打得火熱，以為搵到個可以付託終身嘅人，點知未正式入門，就俾霍紹裘拳打腳踢，打到豬頭咁。張慧儀一怒之下，就跟霍紹裘一刀兩斷。
猛遮住塊面
跟住嗰幾個月，有人見霍紹裘拖住翻版張慧儀出出入入，之後又不停換畫，可知佢係幾風流。
噚日12點幾，呢個舞王就好架勢咁揸架黃色保時捷到機場，咁啱撞正台灣組合183Club嚟香港，一大班傳媒見到霍舞王，就走埋去啦！點知喺呢個時候，就有一個貌似馬蹄露嘅女子跳上車，班記者係咁影，「翻版馬蹄露」就用隻手猛遮住塊面，唔知佢係唔係因為同呢個花心舞王一齊，覺得冇面，所以唔敢俾人見到，又唔想俾人知嘞。所以話張慧儀都唔使傷心，早走真係有着數！
