方力申昨日出席新片《戀愛初歌》宣傳時，忽然自爆有人和他拗手瓜爭鍾欣桐（阿嬌），並說：「就算已經拍緊拖都可能會有人挑戰啦，𠵱家啲人太冇品喇。」
側田、方力申和吳雨霏（Kary）等昨日齊集觀塘，出席新片《戀愛初歌》的開鏡儀式。於片中飾演「自卑有錢仔」的方力申，會與側田爭奪Kary。問他現實中有否試過與其他人「爭女」時，方力申說：「實有啦，𠵱家呢個年代，就算已經拍緊拖都可能會有人挑戰啦，𠵱家啲人太冇品喇。」
感情一波三折
方力申和鍾欣桐03年拍拖至今，戀情波折重重，傳聞英皇棒打鴛鴦，其間有傳方力申和鄧麗欣（Stephy）拍拖，兩人分分合合的新聞傳個不停。方力申如此說，莫非真的有人欲撬牆腳？抑或純粹是宣傳伎倆？
而以一頭清爽短髮示人的Kary，配合一身Nana造型出現，她說：「我喺戲中係一個好不修邊幅、唔想有人追嘅rock妹，會同側田、方力申有感情戲，同側田仲會有咀戲。」首次擔正女主角的她又說：「本來我今個月計劃好去美國進修音樂同跳舞，不過為咗拍呢部戲而要押後兩個月囉。」Kary又指與側田太熟，怕拍攝親嘴場面時會因尷尬而NG。
Kary側田激咀
側田除擔任男主角外，還會為電影作曲，對要與好友Kary拍咀戲，他說：「都冇乜問題吖，不過我一路當佢係妹，好似怪怪哋咁，惟有到時瞌埋眼想像吓啦。」提到Kary指怕因NG而要重複拍攝，他即笑說：「呢句應該我講先啱，等我到時狂NG拍200個take先」。
採訪：藍文浩 攝影：陳俊強
