息影多時嘅吳麗珠𠵱家做緊公關，佢前晚就喺中環搞咗個道教文化展覽，叫咗啲老友去捧場，點知身為天主教徒嘅羅蘭姐（圖）都出席，佢話以為只係食齋，唔知係道教活動，羅蘭姐好阿Q咁話：「珠女叫我嚟食齋，我矇查查就嚟咗，冇所謂啦，都冇牴觸，我又唔係嚟宣傳道教。」羅蘭姐話佢近來忙於做義工，四圍去唔同嘅學校分享宗教理念喎。