陳淑蘭昨日往金鐘出席美容產品茶敍活動，她透露為榮智健堂妹代理的腕錶任市場推廣工作半年，經常要飛往內地，但她的普通話不靈光，常把賣錶說成賣婊，更自比為撈女搵客，不時被內地暴發戶以眼神強姦。對於有雜誌指蘭子一星期值10萬元，她即高談闊論女星飯局價。
陳淑蘭、樊亦敏及陳沛嘉等昨日往金鐘香港公園L16餐廳，出席寇鴻萍的護膚品牌IsaWorkshop舉行的「煥膚淨白系列」茶敍。
「夜晚做撈女搵客」
蘭子以一身鮮艷橙色服裝出現，她透露去年10月開始替榮智健的堂妹工作，她說：「對方代理『上海牌』腕錶，我負責做市場推廣工作，即係日頭做OL，夜晚做撈女搵客，成日飛去內地。我普通話又差，初初成日搞出笑話，我同人講我係賣錶，不過就講成我係賣婊。同客食飯時，好多係內地嘅有錢佬、暴發戶，有啲認得我係港姐，啲眼光好鬼衰、好鬼賤格，啲眼神直頭鑿住女明星嚟陪食飯。」
講到內地客人，蘭子滔滔不絕說：「我要賣婊都唔係呢個年紀啦，直情好似俾人眼睛強姦，蝕晒。見客時已經着套裝長褲，就算俾人摸大髀都冇咁蝕，我要畀個正確訊息呢啲人，唔會拋胸look，所以啲人都唔敢亂嚟。」
「內地價一周10萬」
對於有雜誌指蘭子一星期值10萬，她說：「我見到個編輯，就鬧佢你寫得我太平啦！」哪20萬呢？蘭子說：「我哋呢啲係蘇富比、佳士得拍賣價嚟，我好清楚圈內啲姐仔價，一個禮拜10萬，8至20線啲姐仔都唔止啦，不過呢個係內地價，香港market10萬日圓都冇啦！」
採訪：DebbieLum
攝影：EdwardChou
