近排途經「機場」，不時見到店舖櫥窗上有售日版904SH，雖然仲未有機會用到，但唔少玩家就趁平入定貨，仲深信Unlock版好快出現㖭！但係，另一邊廂嘅日本玩家就幸福好多，佢哋唔使冒險改機之餘，喺27號日本仲正式推出咗最新一款905SH，真係換機都換到手軟！
剛於上個禮拜六見街嘅905SH，屬於SHARP最強之作，除沿用摺叠式設計，仲加入招牌式2.6"「AQUOS」靚芒，並可作90o旋轉，變身成一部16:9電視機，齋論外觀已經型爆！機身顏色仲有藍、黑、白3種，當地上台價為29,190日圓（約港幣$2,050），如果好彩俾水貨佬成功「引渡」返港，仲唔引死班Fans！