講車，男人以為女人咩都唔識，唔好咁Out，咪話講車，設計車都一樣掂！好似瑞典富豪車廠，幾個女人夾手夾腳設計出YCC（YourConceptCar）概念車，獲獎無數，攞埋「2006SwedishDesignAward」，咪話女人除咗扮靚無樣識！
座位似懸浮
集實用、功能性和運動型的YCC概念車，外形保留有傳統的富豪車款，同時亦帶有濃厚的科幻味道；始終是出自女人手筆，YCC不但以外形取勝，就連內裏亦以實際為主，就好似車廂設計咁，設計師為了做出更高的空間感，特別把錶板設計成S形，還有看似懸浮空中的座椅，令空間大大提高，實用又好睇。
HomeFeel用色
女人以家庭為重，這班靚太亦不例外，用色方面，她們着重屋企Feel，所以錶板內飾以灰白、橡木、金屬為主，連座位咕𠱸都好似屋企張梳化，鍾意幾時換都得，連呢樣都諗埋，果然比男人細心。
記者：黃婉冰