歐洲旅遊熱潮隨着氣溫上升也熾熱起來，當中以西班牙最為人氣，名模周汶錡（Kathy）早前去到西班牙以西巴雷亞利群島（BalearicIslands）的度假小島Menorca上，以一身Loewe新裝，一邊大掃當地聞名的靚鞋、參觀鞋廠，一邊享受當地美食，更大談潮流貼士。她認為今年的鞋履大熱為芭蕾舞鞋，高跟鞋則以metallic色調及綴以閃石最搶眼。
周汶錡到訪的西班牙Menorca，位於舉世聞名的clubbing天堂Ibiza附近，同樣是歐洲度假勝地之一，但不像Ibiza般過份擠迫，在熱鬧中仍帶寧靜與悠閒，Kathy對此說：「一直都好想到Menorca，係繼Ibiza之後最想去嘅地方，呢度嘅人好熱情同友善，而且有好多鞋廠同鞋店，皮革質素又上乘又平，飲食又好好，令我收穫非常豐富。」
質優價錢平
Kathy續說：「最有趣嘅係我着住Loewe同西班牙名牌皮鞋喺鎮內影相時，不單只引來好多市民同我合照，仲吸引到當地傳媒專程嚟採訪，第二日所有報章都有我嘅新聞，實在好有趣！」
西班牙鞋一向以質料上乘、設計新鮮、風格繽紛見稱，而且比起其他歐洲皮鞋便宜許多，因此除了在歐洲各地廣受歡迎外，美國、日本、澳紐和香港也同樣有一定的捧場客。Kathy認為今年的鞋履，大熱必選芭蕾舞鞋，以及金、銀和閃石高踭鞋，都是今年西班牙鞋的特點，Kathy說：「芭蕾舞鞋夠舒服，而且好cute，充滿少女味道。金色、銀色同閃石嘅高踭鞋好有效果，只要襯T恤牛仔褲，就已經平凡中見不平凡。」
浸熱水消腫
身為名模，穿過不少靚鞋的Kathy，對穿鞋和護足自有一番心得，她說：「一定要揀合適嘅尺碼，唔好勉強自己。着高踭鞋時間唔好太長，否則對腳會好痠好痛，最好留喺晚上較為隆重嘅場合先着。經過一晚步行，小腿或者會腫，所以要浸熱水浸過小腿，最好加埋浴鹽同自己做一啲按摩，以增進血液循環。夏天成日着涼鞋嘅話，就要去做護腳甲去死皮，仲可以jel腳甲，令腳甲更加靚。」如此講究，難怪Kathy永遠能保持一雙修長靚腿。
參觀鞋廠心花放
穿過無數靚鞋的周汶錡，今次應西班牙對外貿易發展商及西班牙駐港商務公署邀請往當地拍照，除了享受陽光美食外，還可一口氣率先試穿多個品牌如BeverlyFeldman、Magrit、RebecaSanver的新款靚鞋。
另外，Kathy還參觀了不少鞋廠，其中她在品牌Patrica鞋廠參觀做鞋過程時，見到琳瑯滿目、色彩悅目的皮鞋，更是心花放，鞋廠負責人見有靚女上賓到訪，更一盡地主之誼，詳細向她解釋生產一對靚鞋的過程點滴。
採訪：特約記者ChanChunWai
攝影：PhoebeWong
鳴謝：西班牙對外貿易發展商
西班牙駐港商務公署
服裝：Loewe
