無綫力捧姐仔之一的鍾嘉欣，日前接受《Him》雜誌訪問，她表示自從當選華裔小姐冠軍入行後，覺得娛樂圈比想像中複雜得多，不過她相信付出愈多，收穫也愈多。
嚇親阿哥
曾跟鄭伊健傳緋聞的鍾嘉欣，談到擇偶條件時說：「至少要高過我，我唔鍾意喋喋不休嘅男人，最重要係錫我同錫雙方嘅家人。」問她試過拍劇後未能抽離角色嗎？鍾嘉欣說：「咁又冇，演戲時角色對我有一定影響，但好快抽離到。不過試過有次拍劇，講我揭發哥哥醜惡嘅一面，拍完戲後我同親哥哥傾電話，突然諗假如哥哥變成戲裏面咁點算？於是就喊咗出嚟，嚇死我阿哥。」鍾嘉欣想起拍《人生馬戲團》時很辛苦，尤其常常吊威吔，不過拍得很開心，算是印象最深刻的工作。
撰文：丁寧