噚日沙田馬場跑遮打盃，除咗賭王何鴻燊名下嘅「爆冷」贏馬捧盃之外，中信泰富主席榮智健隻「闖關東」亦打開在港勝利之門，獨贏賠率仲有成15倍咁好分，買中嘅馬迷當然開心啦！
榮太子拉頭馬時，開心到不停撫摸愛駒馬頭，以示嘉獎，過咗一陣，佢就收到好友已退休練馬師愛倫嘅長途電話祝賀，事關呢隻馬係愛倫幫榮太子從澳洲購入，喺澳洲服役嗰陣曾經喺一級賽跑過第二，當時由榮太子與愛倫一同擁有，榮太子話質素可以媲美當年佢名下嘅香港短途馬王「活力先生」。
對於「闖關東」在港出賽第二場就有馬贏，榮太子話感到好高興，仲話愛駒狀態根本未十足，下季踏入五歲大熟，將會部署進軍各項大賽。
傳真︰2623-9278
電郵︰[email protected]