《春光乍洩》10周年限量版　2,046套網上豪炒$1,439

單一套戲嘅DVD可以賣幾貴？剛落場嘅《春光乍洩康城10周年紀念限量典藏》，以$880開賣價創下香港碟場最貴歷史紀錄！由於全球限量2,046套關係，正所謂渴市自然會炒賣，有網上商店更公然索價$184.99美元（約港幣$1,439），至於後果只得一個，就係「搶」！

記者、攝影：朱崇德
ImageGirl：Tracy

唔經唔覺《春》已經係10年前作品，王家衞亦是憑此片以首個華人導演身份，掄元康城影展最佳導演獎項！當年的康城初哥，10年後的今日再以首個華人身份，執掌康城影展評審主席，《春》一片可算幫他贏盡種種榮耀。

$880

旺角最平賣$880

由於《春》BoxSet限量2,046套，真係極搶手，價錢亦好飄忽吓！據發行表示，就香港及日本的哥哥歌迷會，預訂《春》的數目已不只2,046此數！
至於價錢方面，行貨價代表的HMV𠵱家做緊$999，旺角街舖最低去到$880，不過貨量相當緊吓！至於網上著名DVD銷售點yesasia.com，更高上賣$1,439！不過冇計啦，今次《春》去貨好急，派街2日已去貨大半，老外想買碟真係惟有用高啲價！

網上喪炒$1,439

港版完美聲畫版本

今次10周年3碟典藏版，內容是碟迷們夢寐以求！經過全新數碼復修，畫質細緻、色彩豐厚，感覺同當年在戲院睇真係有得揮，聲效亦升至dts5.1及DD5.1，不過最令《春》迷感動者，是舊版DVD字幕是「刻死」在影片上，今次典藏版首度自由選擇字幕，Remake得認真！
第2碟片的SoundTrack亦是碟迷摯愛，舊版原聲大碟斷貨多年，今次以24-bit技術重新混音，並在曲目間加入「黎耀輝、何寶榮」深情對白，絕對達發燒級！提醒大家，發行表示SoundTrack只在今次隨BoxSet附送，日後再出普通版都唔會送，至於齋CD更是無望！