我幾時都話㗎仔多計，淨係睇佢哋年年設計嘅概念車已可見一斑，就好似本田呢款叫做「W.O.WConcept」嘅概念車，一反傳統，以狗為本，成架車由設計到用料、間隔擺明係100%為隻狗而度身訂做，睇完下面嘅介紹，包你會同我一樣即刻彈出一句：「真係虧你諗得出」！
中排狗仔專用座位
本田W.O.WConcept是部專為有狗之人而設計的6座位車，車廂布局全部是為狗仔度身訂做，好似中間可摺合收藏在地板下的座椅，頭頂有埋安全軟墊，是專為狗仔而設的安全椅。另外仲有可以用來安置小狗的狗籠、可調校角度冷氣風口、特低地台等，坐車都咁好照顧，仲唔係狗仔大過主人婆？
木料內櫳方便清潔
狗仔坐車最怕佢周圍放低幾両，設計師這點亦諗得到，特別選用木材作為車廂的主要用料，由地板到座椅，全都以天然木製造，方便清潔，就連座椅軟墊都做到可以拆除清洗，帶埋佢去遊車河都唔怕啦！
記者：黃婉冰