（Dennis按：點都諗唔到，讀者睇完我話佢開車開得快嘅文章之後，昨日就Sent咗電郵過嚟鬧番我，勁！如果你都唔同意或對汽車界有不滿，歡迎一齊鬧。[email protected]）
你揸豐田Corolla，我揸富士Domingo，我哋大家都有極力子同埋迫力，你做咩挑釁我呀？大家都係原裝車，我就連胎軨嘅Size都加大埋，起碼唔似你個朋友咁咩都話要改，一經過RoadBlock，就驚警察先生拖佢部車去扣留兼驗車！識得玩，靠感覺已經可控制部車，總好過將自己交畀啲改裝零件，咁同俾部車駕馭有咩分別！用盡輪胎嘅抓着力？用車身短嘅好處去入彎？有咩難度呀？仲有一個Point，就係我個駕駛席比較高，一眼睇晒0.5公里之內嘅行車位置，咁嘅優勢你有咩？成日話我揸車揸得快，但據聞你仲快喎，次次喺龍翔道都俾你放甩（編者按：你兩個唔好「借啲意」互相吹捧），咁又係，嗰度話晒喺你嘅主場，實唔夠你跑，我部車只是4驅跟細胎，你係就1,500cc，而我部只係1,200cc，你要快有幾難。我初頭都諗住算㗎喇，但點知俾你喺度咁同廣大讀者講我揸車揸得好恐怖，即係挑釁我喇！好，就等我同你解決吓先！
讀者：David