蔡一智（圖一）榮升做爸爸一星期，心情仍然好興奮，呢幾日佢忙湊女，但前晚亦抽空去睇周慧敏嘅演唱會。自言係火星人嘅阿智，噚日就喺自己個BLOG度登咗阿女個嘴相出嚟（圖二），仲為咗自己嘅「生命能量」，呼籲喺地球上嘅歌迷幫手諗吓個女改個乜嘢英文名好，皆因佢諗極都諗唔到。阿智仲好抵死話，之前草蜢成員蘇志威幫手諗嘅「11Feeter」唔合格，所以唔會用。
