張學友（右）同張惠妹（左）都係今年台灣金曲獎嘅兩「張」王牌，佢哋將會一齊做頒獎嘉賓，到時學友會獻唱鄧麗君嘅經典歌曲，而阿妹就表演一連串以「世界音樂」風格為主嘅歌，內容被列為最高機密。學友入圍今屆金曲獎「最佳國語男演唱人」項目，佢身兼入圍者、頒獎人同表演者三個角色，單係選曲都傷透腦筋。