華華上個星期講過TOM集團前首席執行官王兟過檔新橋投資，背景好以「達文西密碼」一樣咁難解。之不過，套戲仲未落畫，佢嘅去向就已經塵埃落定。噚日公關公司出咗份新聞稿，講王兟去咗私人投資公司TexasPacificGroup，即係新橋嘅阿媽（控股公司）。王兟將成為佢哋合夥人，合作共同開拓北亞增長資本投資業務。
42歲嘅王兟，喺TOM仔成長期，透過併購不斷壯大公司。加入TOM之前，佢喺高盛做咗7年，擔任過唔同嘅專業職位。
喺香港，佢係高盛公司的執行董事兼中國高科技業務主管，亦係高盛亞洲直接投資部的創辦成員之一，負責中國投資項目。有咁多投資同收購經驗，唔怪得同TexasPacific一拍即合。