今年年頭，蘋果高調跟日本Softbank合作，共同研發內建iPod技術嘅手機，預計06年尾登場，而且有別早前摩記推出內建《iTune》嘅「普通料」！網上即時傳嚟種種有關呢部「iPhone」嘅新料，喺網上更起碼流傳十多款設計藍圖，證明全球着實有好多人期望iPhone嘅來臨。不過好遺憾，筆者從秘密渠道獲悉，新iPod將搶在iPhone之先推出，雖然外形、容量、及細緻功能未定，不過有幾點係頗肯定嘅；首先係配備輕觸式屏幕，尺寸未知，大有可能將之取代ClickWheel；第2係內置藍芽，已外判相關耳筒給廠商代工；最後一點係7月中登場，雖然售價未定，不過按蘋果近年銷售策略，賣價絕對大眾化，所以近排有心買iPod用家，不妨多等一會。
記者：徐影龍