花𡃁Can：食花生睇波冇肚腩　黃宗澤坐住做掌上壓

黃宗澤（Bosco）今次不是做天幕下的富家子，也不是野蠻奶奶的乖仔茂春，而是做了世界盃大使。喜歡曬太陽做運動的Bosco，平日忙拍劇，做代言人最受惠的當然是可以曬太陽燈和做搣脂機，即使深夜睇世界盃，猛食花生灌汽水都唔驚。今次Bosco醒你5招，教你一身健康fitlook示人。即睇！

記者：馬靜兒　
攝影：陳偉強　
WardrobefromNike

龍門大將軍

身為世界盃大使的Bosco，打籃球、踢足球和游水樣樣精。「我以前跟朋友踢波係做守龍門，但𠵱家工作太忙，平均每個月只可打一次籃球，要踢波就麻煩啲，要湊夠人數較難。」
Bosco是荷蘭隊fans，點解？「巴西實在太多支持者，英格蘭又多fans，荷蘭係黑馬，我要鋤強扶弱。其實我本身鍾意古烈治，好記得佢個『寶黛麗』辮子頭，係一種情意結。」

■愛玩嘅Bosco最愛水上活動。

■Bosco負責守龍門，但間中都會做吓中鋒。

睇波必做5件事

為了當上世界盃大使，Bosco說有5件事是他在世界盃期間必做。

買荷蘭戰衣打氣

雖然Bosco是荷蘭隊fans，但沒有刻意去儲荷蘭隊球衣。「如果見到特別嘅都會買，但有朋友知道我做咗世界盃大使，送咗70年代出產嘅巴西球衣畀我，計落都已有十件八件。」Bosco，荷蘭隊橙色球衣夠sharp醒，襯埋橙色足球和波鞋就最型啦！一於全套上陣。

荷蘭隊波衫$479
荷蘭隊波褲$219
波襪$89
荷蘭隊足球$199
AirZoomtotal90IIIFG波boot$989

（AllfromNike28955668）

■橙×藍荷蘭隊AirForceI，鞋脷仲印上荷蘭國家隊徽章。$799

勤做運動收線條

Bosco話睇波要飲汽水、食花生，坐得多食得多，好容易養個大肚腩，要快啲keep住令肌肉結實，所以佢閒時會做纖體機。「做機只要30分鐘就可以幫我重整腹部線條，練番6嚿腹肌出嚟。但我嫌唔夠喉，仲會做掌上壓，不過係坐喺度做，平均每日會做100下，咁就最fit喇！」
其實要快速收肚腩，除了做運動，最直接的方法就是靠機器幫助，有些纖體搣脂機會利用真空負壓力原理，重塑身體最fit線條，令你腹肌重現。

■清潔腹部後，塗上減肥油，利用P.R.Cell纖體搣脂機通淋巴線和搣脂，感覺有少少痛。

■咪睇小這種掌上壓，都唔係咁容易做。

照太陽燈晒健康

「我好鍾意古銅色皮膚，做世界盃大使膚色當然要健康，我有時間就會去沙灘曬足半日，但開工無時間就會去曬太陽燈，曬前會先塗保護皮膚的太陽油，仲要係零度數，曬10分鐘就得。」
通常太陽燈機都呈圓筒形，躺在機內，胸部和背部都可以均勻曬黑，所需時間短，每次只曬9分鐘。開始時要隔日曬（最少讓皮膚休息24小時），曬4至5次後，膚色有明顯轉變，以後每星期曬1次就可以。