VISA近來好進取，每個星期梗有一兩張新卡推出，好似呢兩個禮拜，華華三番四次喺唔同銀行嘅新卡發布會，遇見佢哋位香港/澳門地區總經理陳碧鏵（Prudence），曝光率勁過唔少賓卡。
Prudence話平日返工應酬多多，真係好忙，冇乜時間KeepFit扮靚，所以一到周末放假，會去做Gym兼做Facial，禮拜日就會約埋一眾屋企親朋，食晏聚聚，做個好榜樣，畀15歲嘅仔仔睇，加重佢嘅家庭觀念。佢又話，阿仔家吓已經5呎11，雖則唔再成日黐住佢四圍去，但兩個感情好好㗎！
最想去南北極
一到放長假，Prudence就一定會離開香港，否則點都會有公事跟尾。佢最鍾意去風景靚、有動物睇嘅地方，歐美澳都去勻，家吓就最想去冇乜機會碌Visa卡嘅南北極。