都係嗰句，賓卡唔易做，永亨銀行執行董事兼副行政總裁王家華噚日帶埋老婆，淋住雨步行籌款，目的為永亨同聖雅各福群搞嘅「助學可以改變未來」計劃籌款，路線環繞香港仔上/下水塘循環徑，全長約5公里。雖然落雨，都有成450人參加。
王家華話，雖然有9年免費教育，但對低收入家庭嚟講，校服、書簿、課外活動嘅費用，仍然造成好大負擔。所以永亨主動聯絡聖雅各福群會，希望籌款改善低收入家庭學童嘅學習條件同裝備。今次活動已籌得逾70萬，遠超50萬元嘅目標。
計劃自舊年10月推出後，已為超過1100名香港3至15歲貧窮家庭學童提供21000件物資，呢類慈善服務仍然好需要社會人士同企業支持。想了解多啲或捐贈，可上聖雅各福群會網站www.sjs.org.hk睇吓。