講求準確性嘅全球定位系統（GPS），不嬲都用於汽車駕駛或者遠足等各方面。不過，近排為迎接嚟緊嘅父親節，有手機商就刻意為一班愛玩Golf嘅父親大人，提供一套專業級Golf軟件，作為父親節禮物嘅話，都係唔錯選擇。
提供呢套「GPS高球助理」嘅PDA手機，就係MioA700，查實呢部機已經見街幾個月，唔算得新鮮滾熱辣；但今次新增咗GPSGolf定位，就絕對有賣點！所謂Golf定位，就係球位測距意思。只要打開存儲喺機內嘅Golf場地，相關地形及球洞位置就會顯示，再喺個芒度篤一下，更可計算出準確距離，想「入洞」就更輕鬆！另外，A700仲新增球洞攻略、記錄成績以及高球訊息，成套軟件都係特別為Golf迷而設。
規格：GSM三頻、6萬5千色芒、130萬像素鏡頭、內置GPS
查詢：宇達電通（23312348）