過去3周，恒指依次每周下跌112點、588點及418點，總共散咗1118點。美股連跌兩周後，上周首次回升，全周有134點進賬。外圍定得住，港股會有技術反彈，但暫難作太高期望，入市賭輪，細細注算數，要防一啲意料之外事故影響人心。做嘢，最好都係有平貨至做。唔做嘢唔會有得贏，但一定冇得輸。
中石油C輪3632：中石油（857）上周五收8.40元，單日升0.10元。國際油價上吓落吓，中石油股價亦係，5月份最高9.55元（歷史高價），最低8.10元。吼再度回落至低位，例如接近8.10元或8元嗰頭，博反彈，C輪則向3632埋手。
3632今年10月初到期，輪價1.08元，溢價6.7%，槓桿率7.8倍（有效5倍），引伸波幅42.4%，理想買入價係95仙以下。
中海油C輪2251：中海油（883）今個月高低位係6.60元同5.75元，上周五收6元。吼住回落到上次低位左右，買C輪2251博反彈。
2251今年10月初到期，輪價57仙，溢價7.5%，槓桿率10.5倍（有效6.2倍），引伸波幅35.6%。
中石化C輪3560：中石化（386）過去1周跌0.225元，收4.60元。吼住跌到4.40/4.50元之間買C輪3560。隻輪10月初夠鐘，輪價38仙，溢價10%，槓桿率12.1倍（有效6倍），引伸波幅41.7%。
章盛