黃宗澤和楊怡昨日在教堂內拍攝一場結婚戲，黃宗澤忽然悔婚走佬，令楊怡當場痛哭，兩人在拉扯期間，楊怡更因黃宗澤動作太大，險些失平衡而跌倒。
黃宗澤、楊怡、宣萱、歐陽震華昨日在烏溪沙青年新村內的教堂為無綫劇集《賭場風雲》拍攝結婚戲。故事講述楊怡因收下金錢嫁給黃宗澤，在出嫁當日卻被黃宗澤揭發，憤怒難平下拂袖而去，因動作太大的關係，楊怡更險些跣低。
裝胸頸椎受損
黃宗澤已是第二次飾演走佬新郎，他說：「我拍《天幕下的戀人》都係結婚一刻走佬，但今次楊怡喺劇中收咗苗僑偉嘅錢先嫁畀我，仲講佢係為咗取悅我而將假胸拆卸。」
楊怡回復真身，感覺輕鬆，由於拍劇以來都要挺腰裝胸成Dcup巨乳一族，導致頸椎受損，她說：「我拍呢套劇以嚟，冇乜平胸日子，𠵱家有啲唔慣，遲啲去菲律賓拍外景要再戴番假胸，但天氣太熱，驚個胸會生粒粒，不過拍完套劇之後，明白身材太勁着唔到泳衣嘅原因，我認為Ccup最適合。」
菲律賓拍外景
宣萱下月初也會隨《賭》劇大隊到菲律賓拍攝外景，她說：「𠵱家好頭痛，因為只可以帶15公斤行李，不過我哋睇見印尼打麻雀要坐監，一定唔會帶麻雀去。」
採訪：卓寶花 攝影：陳俊強
