在我一班朋友當中唔少都係有車階級，所擁有的車款多不勝數，像豐田Corolla和本田Civic這類家庭房車佔上大多數，辣如富士ImprezaWRX，又或者三菱LancerEvolution等都有，而且大部份都係揸斯文車唔會亂咁嚟，但係有一個名叫David嘅，卻來得兇狠囉！
他原來的座駕是一部富士Domingo，這是一部可乘載7個人的小型MPV，用的只是一台1.2公升引擎，波箱則是5前速手動型號，初時大家不相信這部車可以像飛機般快，但落在David手之後就快到得人驚，行屯門公路時差不多全程逢車過車，我們聽到的只是由車尾傳來的引擎聲，嚇到我哋一班乘客喊咁滯。大佬呀，你唔好成日以為自己部車係4驅車就亂嚟先得㗎，究竟你知唔知萬一推頭或者甩尾就會好難救，仲有部車好似成部豐田Hiace咁高，過彎嗰陣仲咁快，係咪想翻車呀？聽聞你近排仲想買部ImprezaWRX嚟揸㖭。唉，我諗我都係唔好成日揸車出街啦，費時阻住你吖嘛，係咪？
記者：鄭達基