鄭嘉穎運動元素
「自己買錶一向都憑感覺，仲有會睇個款，比較鍾意sporty嘅款，因為容易啲襯衫，其實有幾隻牌子都好鍾意，好似勞力士同卡地亞，𠵱家開始儲緊錶，不過呢個興趣都幾昂貴，所以要搵多啲錢先得，已經儲咗四、五隻，最貴嗰隻就係勞力士嘅Daytona，都要成七萬幾蚊。」
孫耀威好色之士
「其實呢隻錶出嘅時候我都掙扎咗好耐買定唔買，因為我本身已經有兩隻勞力士，不過佢今次出呢隻綠色真係好吸引，最後我都係忍唔住手買咗。好多人都有錯覺，會覺得貴錶嘅錶面冇咁易花，其實貴錶一樣會刮花，如果第時要拎去拆換錶面嘅話，就冇咁值錢㗎啦。」
譚詠麟限量慢錶
「呢隻錶係同克勤做完《左麟右李》演唱會佢送畀我嘅，係一隻限量版，呢隻錶好特別㗎，話就話好準時，但係每星期就會慢三分鐘，唔會多唔會少，所以三個禮拜就會慢九分鐘。我屋企有好多錶，冇話特別鍾意邊隻，平時都係戴開嗰隻就會成日戴嗰隻。」
吳卓羲着重功能
「我本身都好鍾意勞力士呢個牌子，呢隻係我咁多隻勞力士中最貴一隻，一來佢係白色面，覺得幾特別，同埋佢會有三地嘅時間，又可以計時，啲功能都唔錯，而且個款比較年輕啲，啱我哋啲後生仔戴，我買呢隻錶嘅時候都諗咗一陣，因為個價錢都幾貴。」
採訪、攝影：李珮洳、駱華齡、楊潔雯、胡比
