周麗淇（中）原來認為生仔緊要過嫁人，前晚佢去咗紅磡做訪問，主持同佢玩遊戲，叫佢揀其中一項屬於埃及嘅古迹，佢二話不說即刻就揀咗金字塔，原來呢個答案代表性慾好強，周麗淇一聽到就好尷尬咁猛話：「唔啱，唔準。」關仁認為其實都係一場遊戲啫，周麗淇又使乜咁緊張，唔通真係講中佢嘅少女心事？問到周麗淇幾時結婚？佢就話：「隨時都得，不過我認為生仔緊要啲，所以要生仔時先會結婚。」